სადედე ფუტკრის რძე - ფუტკრის ერთ-ერთი ყველაზე უნიკალური პროდუქტია. იგი მიიღება ძიძა-ფუტკრის ჯირკვლების სეკრეციით და ძირითადად გამოიყენება დედა ფუტკრის საკვებად. დედა ფუტკარი მთელი სიცოცხლის განმავლობაში იკვებება მხოლოდ ამ პროდუქტით და ცოცხლობს 5-7 წელი, როცა მუშა ფუტკრის სიცოცხლის ხანგრძლივობა მაქსიმუმ მხოლოდ 40-45 დღეა! მას უხსოვარი დროიდან „სამეფო ჟელეს“ ეძახიან. ფუტკრის რძე თავისი შემადგენლობით მდიდარია ამინომჟავებით, მინერალური ნაერთებით, ვიტამინებითა და ბიოლოგიურად აქტიური ნითიერებებით.
ადამიანის ორგანიზმში სადედე ფუტკრის რძე ასტიმულირებს სისხლის მიმოქცევას, არეგულირებს ენდოკრინული სისტემის მუშაობას და ქოლესტერინის დონეს, დადებითად მოქმედებს ორგანიზმის რეპროდუქციულ სისტემაზე, ორგანიზმის უჯრედებს იცავს გარემოს დამღუპველი ზემოქმედებისგან, ხსნის დაღლილობას, აუმჯობესებს სისხლის შემადგენლობას, ძილს, მახსოვრობასა და შრომისუნარიანობას, აწესრიგებს ნივთიერებათა ცვლას, აახალგაზრდავებს ორგანიზმსა და ახანგრძლივებს სიცოცხლეს. იაპონელმა მეცნიერებმა დაადგინეს, რომ ფუტკრის რძე საუკეთესო ანტირადიაციული საშუალებაა. იაპონიაში სადედე ფუტკრის რძის მიღება სავალდებულოა სკოლის მოსწავლეებისა და ხანდაზმულებისთვის, ამიტომაც, გასაკვირი არაა, რომ იაპონელების სიცოცხლის ხანგრძლივობა საშუალოდ 80 წელს აღემატება. კვლევებმა ცხადყო, რომ სადედე ფუტკრის რძე აახალგაზრდავებს შინაგან ორგანოებს, აუმჯობესებს ნივთიერებათა ცვლას, იწვევს ცენტრალური და პერიფერიული ნერვული სისტემების სტიმულირებას, ხელს უშლის სიმსივნეების განვითარებას,